Tuesday, 16 August 2016

Raksha Bandhan Prasang Hindi Me

Raksha Bandhan In Hindi


Raksha Bandhan Essay In Hindi

[caption id="attachment_138" align="aligncenter" width="500"]Raksha Bandhan In Hindi Raksha Bandhan In Hindi[/caption]

Hi Friends, Raksha Bandhan Pure Bharat Me Harsh Ullash Ke Saath Manaya Jaata. Ye Bhai Bahan Ke Atut Pyar Ko Darsata Hai.

Ye Bhai Bahan Ka Pavitra Bandhan Aitihasik Kaal Se Hi Manaya Jaa Raha Hai Jo Pratyek Varsh Saavan Mahine Ke Purnima Ko Manaya Jaata Hai.

Raksha Bandhan Sirf Bharat Me Hi Nahi Valki Iske Alawe Nepal Tatha Maharishis Me Bhi Dhumdham Se Manaya Jaata Hai.

Raksha Bandhan Bhai Bahan Ke Pyar Ko Ek Resham Ke Dhage Se Darsaya Jaata Hai. Ye Raksha Bandhan Ka Tayohaar Har Ek Bhai Bahan Ke Liye Kaafi Mahatv Rakhta Hai.

Ise Manane Bale Bhagwan Se Lekar Raja Aur Jamindar Bhi Bahut Pahle Se Manate Aa Rahe Hain.

Raksha Bandhan Ke Baare Me Dher Saari Kathayen Prachalit Hai. Aaj Main Aap Sabhi Ko Unhi Kathaon Ke Bare Me Pure Vistar Se Bataunga >>

Raksha Bandhan Prasang 1. - Indra


Sabse Purane Prasang Ke Anusar Ek Baar Raja Indra Par Danavon Ne Hamla Kar Diya Jisme Raaj Intra Kamjor Padne Lage. Tab Raja Indra Ki Patni Indrani ( Shashikala ) Ne Ishwar Ke Saamne Tapasya Tatha Prarthana Ki.

Indrani Ki Tapasya Se Prasann Hokar Ishwar Ne Unhe Ek Raksh Sutra Pradan Kiya. Indrani Ne Ise Indra Ke Dahine Haath Me Bandh Diya, Aur Isi Pavitra Raksha Sutra Ki Vajah Se Raja Indra Ki Vijay Hui.

Jis Din Ye Raksha Sutra Indra Ki Haathon Me Bandha Gaya Us Din Saavan Mahine Ki Purnima Ka Din Tha.

Aur Isi Kaaran Aaj Tak Yah Pavitra Parv Raksha Bandhan Saavan Mahine Ke Purnima Ko Hi Manaya Jaata Hai.

Raksha Bandhan Prasang 2.- Vishnu


Raksha Bandhan Se Sambandhi Ek Aur Katha Jo Kafi Prachalit Hai Wo Ye Hai Ki ..... Ek Baar Raja Bali Apne Yagy Tap Ki Shakti Se Swarg Par Aakraman Karke Sabhi Sabhi Devtaon Ko Hara Dete Hain.

To Indra Ke Saath Saath Sabhi Devta Bhagwan Vishnu Ke Sharan Me Aate Hain Aur Raja Bali Se Apni Suraksha Ki Prarthna Karte Hain.

Tav Vishnu Ji Vaman Avtar Me Brahman Ka Rup Dharan Karte Hain Aur Raaja Bali Se Bhiksha Maange Hain Jisme Ve Teen Pag Bhumi Ki Maang Karte Hain.

Raja Bali Unhe Bhumi Dene Ka Vachan De Dete Hain.

Tabhi Vaman Rupi Vishnu Teen Page Me Puri Dhrti,Aakash Aur Paatal Maapkar Raja Bali Ko Rasatal Me Bhej Dete Hain.

Rasatal Me Raja Bali Apni Bhakti Se Bhagwan Vishnu Ko Prasann Karke Unse Vachan Le Lete Hain Ki Ve Din Raat Unke Saamne Hi Rahenge.

Bhagwan Vishnu Ke Vapas Vishnulok Na Aane Par Pareshan Lakshmi Ji Ko Naarad Ji Salah Dete Hain Ki "Aap Raja Bali Ko Bhai Banakar Unko Raksha Sutra Bandhiye".

Naarad Ji Ke Salah Par Lakshmi Ji Raja Bali Ko Raksha Sutra Bandhti Hain Aur Uphar Me Bhagwan Vishnu Ko Mangkar Apne Saath Le Jaati Hain.

Sanyog Se Ye Din Bhi Saavan Mahine Ka Purnima Hi Tha.

Yahi Kaaran Hai Ki Aaj Bhi Dharmik Anushthano Me Brahman Ek Mantra Padhkar Apne Yajman Ko Ek Raksha Sutra Bandhte Hain, Jiska Artha Hota Hai Ki, " Jis Raksha Sutra Se Mahan Shaktishali Raja Bali Ko Bandha Gaya Tha, Usi Sutra Se Main Aapko Baandh Raha Hun, Aap Apne Vachan Se Kabhi Vichlit Na Hona:.

Raksha Bandhan Prasang 3. - Chandra Shekhar Aazaad 


Jab Chandrashekhar Aazaad Sawantrata Ke Liye Sangharsh Kar Rahe The Aur Angrez Unke Pichhe Lage The Tab Angrezon Se Bachne Ke Liye Aazaad Ek Tufaani Raat Ko Ek Ghar Me Ja Pahunche Jahan Ek Vidhwa Apni Beti Ke Saath Rahti Thi.

Pahle To Use Vidhwa Ne Aazaad Ko Daku Samajhkar Ghar Me Rahne Se Mana Kar Diya Lekin Jab Aazaad Ne Apna Parichay Diya To Unhe Samman Ke Sath Rahne De Diya.

Baatchit Ke Dauran Aazaad Ko Pata Chala Ki Garivi Ke Kaaran Vidhwa Ki Beti Ki Shaadi Nahi Ho Pa Rahi Hai.

Aazaad Ne Use Vidhwa Se Kaha Ki " Meri Giraftari Par 5 Hazar Rupye Ka Inaam Hai Aur Agar Wo Use Giraftar Karwa Deti Hai To Use 5 Hazar Rupye Mil Jayenge, Jisse Uske Beti Ka Shadi Ho Jayega.

Yah Sun Vidhwa Ro Padi Aur Kaha - Aap Pure Desh Ki Aazaadi Ke Liye Apni Jaan Hatheli Par Rakhe Hue Ho Aur Kitne Bahu Betiyon Ki Ijjat Aapki Bharoshe Hai. Main Aise Bilkul Nahi Kar Sakti Hun.

Yah Kahte Hue Usne Aazaad Ke Haath Par Raksha Sutra Bandhkar Desh Ki Sewa Karne Ke Vachan Liya.

Jab Subah Hui To Aazaad Ja Chuke The Aur Takiye Ke Niche 5000 Rupye Rakhe Hue The Aur Bagal Ke Ek Kagaj Me Likha Tha -" Meri Pyari Bahan Ke Liye ~ Aazaad"

Raksha Banhan Inhi Sab Mahatvon Ko Rakhte Hue Pure Bharat Me Pratyek Varsh Harsho Ullas Ke Saath Saavan Mahine Ke Purnima Ke Din Manaya Jaata Hain Jo Varsha 2016 Me '18 August 2016' Ko Padta Hai.
Arthat Is Saal (2016) Me Raksha Bandhan 18 August Ko Manaya Jayega.

Toh Doston Aasha Karte Hain Ki Aapko Ye Raksha Bandhan Essay In Hindi Pasand Aaya Hoga.
Raksha Bandhan Se Jude Quotes Niche Click Karke Jarur Padhen.

Raksha Bandhna Ke Baare Me Hamne Kuchh Prasang Aapko Bataye. Iske Alave Hamne Ye Bhi Bataya Ki Raksha Bandhan Kab Manaya Jaata Hai Aur Kyon Manaya Jata Hai.

Raksha Bandhan Ka Bharat Me Kya Mahtva Hai Aur Raksha Bandhan Bharat Ke Alawa Aur Kin Kin Deshon Me Manaya Jaata Hai.

Toh Please Ise Share Karen Aur Apne Doston Tak Ise Jarur Pahunchayen.
Dhnybad ~ Wiki Hi

1 comment: